ireneve

Danmarkstur

2010-09-28T11:31:00.019+02:00

23. og 24. september stengte vi dørene og reiste på tur. Vi starta tidleg om morgonen, men alle klarte det, og humøret var det ingenting i vegen med. Fin tur med båten frå Larvik til Hirtshals, så drog vi rett til Aalborg bibliotek. Her litt frå inngangspartiet:

Aalborg bibliotek er STORT. Det vart bygt i 1980 etter det eg forstod, og det har skjedd store endringar i synet på korleis eit bibliotek skal vera. Vi fekk sjå gamle bilete, dei viste eit svært rom der ein vart møtt av ein mur av bokhyller. No vart vi møtt av dette:

Ved informasjonsskranken ligg Zonen, området der ein kan gjera gode "varp", her kan ein koma over nye bøker med 14 dagars lånetid. Desse bøkene kan ikkje reserverast, så her må ein berre vera på rett plass til rett tid... Og det fungerer, fortalde Sonja og Ove, desse bøkene sirkulerer!

Mat fekk vi også. God mat i kafeen ein etasje ned. Og det er heilt i orden å ta koppen med, altså. Og å forsyna seg av bøkene som står utstilt.

I underetasjen låg magasinet, der såg det ut som godt, gamaldags boklager (det finst dei som meiner det er slik bibliotek skal sjå ut...) Og visst er det praktisk å ha bøkene systematisk samla, men dette er ingen publikumsmagnet...

Slik var inntrykket i det store hovudrommet, lyst og ope:

Langs hovudrommet var det mange mindre rom, dei var lagt til rette for ulike grupper, og her var mange fine utstillingar og godt med sitjeplassar. Og sovealkove. Høyrde eg noko om hygiene?

Frå musikk- og filmavdelinga hadde vi god oversikt:

Neste dag dukka vi opp på Hjørring bibliotek. Her var det kø utanfor då biblioteket opna, og eg trur ikkje det var berre for å få parkeringslapp... Bilioteket ligg nemleg på toppen i eit kjøpesenter, og parkeringslapp kunne hentast her.

Dette er eit nytt bilbiotek, og dei meiner dei har hatt flaks med tidspunktet, dei fekk sjansen til å koma inn i nytt lokale, og dei greip sjansen. Men dette biblioteket er nok ikkje berre eit resultat av flaks, dei har jammen vore flinke til å tenkja nytt også! Barneavdelinga på Aalborg bibliotek hadde fått hjelp frå IKEA, Hjørring hadde samarbeida med kunstnarane Bosch & Fjord. Ein spanande prosess med eit strålande resultat!

Litt utspekulert er det lov å vera: 90% av låning og levering utfører publikum heilt uavhengig av personalet. Publikum føretek også ei grovsortering, dei set bøkene på traller som er merka med tema/fagområde. Og naturlegvis plukker dei med seg bøker frå desse trallene... Resultat: mindre å setja på plass.

Biblioteket har sin eigen bøtteballett, og er godt nøgde med ordninga.

Fine boktitlar fann vi også:

Det raude bandet går gjennom heile lokalet - det deler opp og knyter saman - og er fint til utstillingar.

Ingen er vel i tvil om kva dette er? Neppe dyrare enn andre do-skilt, men å koma på ideen...

Hjørring bibliotek har også kafe, arbeidstrening for ungdom. Dei sel også glaskunst.

Kort sagt: ein framifrå stad for ungdom i alle aldrar!

Vi saknar Puseskatten vår...

2009-09-09T20:31:00.008+02:00

I elleve år har vi hatt gleda av å leva saman med Sofus, og planen var at vi skulle leva saman lenge, lenge, lenge enno. Slik gjekk det ikkje. Han vart sjuk, og i går måtte vi ta den tunge avgjerda.
Vi møtte Sofus i sommarferien for elleve år sidan. Han var den siste kattungen i eit kull, dei andre kattungane hadde blitt avliva, og også Sofus hadde fått "dødsdom". Heime hadde vi allereie ein katt, Sølvi, ei riktig eigenrådig og sær dame - så vi var vel ikkje heilt sikre på om ein framand kattunge ville vera velkomen. Men han var så søt, og Sølvi ville sikkert også sjå kor søt han var.
Det er mogeleg at ho såg det - ho vart i alle fall kraftig sjalu... Dei kunne knapt nok vera i same rom, så Sofus måtte bu på kjøkkenet medan Sølvi regjerte i resten av huset den første tida. Seinare gjekk det seg til, men gode vener vart dei aldri. Sølvi sjarmerte seg inn hos ein nabo, så flytta ho, og Sofus vart sjef i huset.

Sofus har vore ein litt forsiktig pus, han har halde seg i og nær huset. Han elska å gå ut og inn, og då han oppdaga at han kunne klatra frå bakkenivå og opp på altanen vart han skikkeleg "konge".

Han fann seg ein del faste plassar der han likte å ligga, helst litt opp i høgda slik at han hadde god oversikt. Alltid når noko vart reparert eller pusla med var "Inspektør Snusen" på plass for å sjekka at alt gjekk rett for seg.

Han likte også godt å ligga bak skjermen til datamaskinen, han var reine hjelpemotoren for dataen når han sette i gang med å mala. Han likte å følgja med når eg strikka eller sat ved symaskinen også. Rundpinnane mine måtte eg pakka vekk når dei ikkje var i bruk, elles kunne han finna på å gnaga på dei... Men bortsett frå det har han ikkje gjort mykje hærverk. Tvert om: vi måtte læra oss å rydda bort alle glas etter kvart, for stod det eit glas att på bordet, så berre måtte han sjekka om det kunne dyttast utfor bordkanten.

I vår ein gong fekk eg høyra at han hadde hatt eit merkeleg anfall medan han var ute på plenen. Han hadde lege på sida, så hadde han begynt å tygga og sprella med beina, medan det skumma av spytt rundt munnen hans. Vi såg ikkje noko påfallande på ei stund. sommaren gjekk, han hadde ferieopphald på kattepensjonatet slik han har brukt å ha om somrane, og vi merka ikkje noko spesielt før ei veke etter at vi kom heim att. Då begynte han å halta på høgre frambein, utan at vi kunne finna nokon spesiell grunn til det. Vi oppsøkte veterinær, og Sofus fekk eit smertestillande middel. Men så begynte han å få fleire anfall av same type som han hadde hatt i vår. Det vart ny tur til veterinær. Vi prøvde å bryta tendensen til krampar ved å gje Vival, men han fekk fleire og kraftigare krampar. Vi kunne ha prøvd med epilepsimedisin, men kom fram til at det var lite sannsynleg at det ville gje Sofus eit godt katteliv. Den siste veka har vore tøff. Det er vondt å sjå at pus får krampar, og vi var aldeles hjelpelause. Så no har Sofus fått ei grav i hagen, og vi skal planta vakre blomar på den. Takk for at du var puseskatten vår, Sofus!

På tur med Mikkel

2009-05-26T21:37:00.023+02:00

Tidlegare i mai hadde eg gleda av å besøka fire danske bibliotek på to dagar, saman med mange andre bibliotekarar i Buskerud. Mikkel (6 månader) var maskot og reiseleiar, og han oppførte seg aldeles eksemplarisk!

Først var vi på det nye, flotte Hjørring bibliotek. Den "raude tråden" fungerer veldig bra - her er det plass til å laga utstillingar og til å legga fram brosjyrer og denslags.

Her kan ein laga film - det hadde vore noko det!

Og ein skrivar var kopla til mikrofilmlesaren - det var heller ikkje dumt...

Det var både sofa og gode stolar å finna mellom hyllene i magasinet, hyggelege sitjeplassar. Akkurat dette var kanskje ikkje den aller mest innbydande plassen, ein leselampe hadde kanskje gjort seg? Eg synst eg knipsa heile tida, men det er ikkje alt eg har fått dokumentert like godt, nei...

Lurt å ta ein tur innom her før situasjonen er heilt prekær...

Mellom bibliotekbesøka var det fine bussturar. Bølgande landskap, rapsmarker og vindmøller - riktig vakkert!

Neste bibliotek var Haraldslund, ein "liten" filial som låg saman med basseng og treningssenter. Biblioteket er ope for publikum så lenge resten av senteret er ope, men bibliotekarane har human arbeidstid. Alle biblioteka vi besøkte hadde basert seg på at publikum brukte automat ved lån og levering av bøker, og også at dei kunne henta reserverte bøker ved eiga hjelp. Det fungerte fint!

"Bassengfargar" er tatt i bruk også i bibliotekdelen. Her er utstyr så ein kan kle seg ut, og her er plass til å leika.

Der er no ein og annan peikefinger i Danmark og... "Ingen slik, madvarer eller drikkevarer ved pc'en" står det - mellom anna...

Neste bibliotek vi besøkte var Randers. Svært, det låg i same bygg som kunstmuseet. Hjartestartar var det første vi såg då vi kom inn i bygget... Men også her var det mange små krokar og gode idear. Her kan ein låna "weekendkoffertar", koffertar som var fint dekorert, og inneheld spel og bøker om ulike tema, tilrettelagt for ulike aldersgrupper.

Og ein brilleslange klamrar seg til skranken. Hos oss held vi oss med levande brilleslange. Bak skranken. I opningstida.

Neste dag var det Aalborg bibliotek vi besøkte, før vi skulle heim att. Dei omtaler seg sjølve som "det bogløse børnebibliotek" - det stemmer vel ikkje heilt... Men dei hadde rydda plass til data, teikneseriar, sofakrokar, plantar og hyggelege utstillingar... Dei hadde samarbeida med IKEA om innreiinga, det vart ei rimeleg løysing, og dei hadde fått mange gode tips, mellom anna om bruk av fargar og lys.

Fine veggmaleri på veg ned til magasinet.

Her står bøkene tett i tett...

Aalborg bibliotek er eit stort, lyst og flott bibliotek. Det første ein kjem til i vaksenavdelinga er "zonen". Alle bøkene her har 14 dagars lånetid. Her kan ein ikkje reservera bøker, men ein kan plukka med seg bøker i forbifarten. Her finst både populære titlar - og smale titlar, men alle bøkene står med fronten fram - til freisting for folk!

Så stille låg havet då vi reiste heim att. Og no skal vi la oss inspirera av det vi har sett. Det ender vel med at utkledde bibliotekarar tek mot vitskremte barn...

Snøen trekker seg tilbake...

2009-04-19T19:21:00.004+02:00

og blåsymra poppar fram. For ei veke sidan såg eg den første leirfivelen, no er dei over alt...

Jakke, kjole og lue til Barbie

2009-03-02T10:31:00.003+01:00

Jakke med raglanerme: (Jakka er strikka frå toppen og nedover.) Legg opp 25 m, strikk vrangbord, 1r, 1vr, ca 10 omg. Så over til rettstrikking, men dei to ytterste maskene i kvar side skal vera i rillestrikk (dvs strikk rett på rettsida, og rett på vrangsida.) På 3.omgang med rettstrikk: Set merke etter 5, 3, 8, 3 og 5 masker. På dei 5 neste omgangane med rettstrikk skal det aukast ei maske på kvar side av merket. Strikk to omgangar til med rettstrikk, set så maskene til erme på tråd, strikk resten av maskene vidare i glattstrikk 3 1/2 cm, så 1 1/2 cm vrangbord.
Plukk opp masker til eit erme, plukk opp tre masker ekstra på undersida av ermet. Strikk rundt, ca 6 cm i rettstrikk, så 1 1/2 cm vrangbord.
Eg har brukt baby-garn og pinnar nr 2 1/2.

Kjole: Legg opp 34 masker, strikk 3 omg rettstrikk. På neste omgang: kast på pinnen, 2 rett saman, heile omgangen, dette skal vera brettekant. Strikk så vidare i rettstrikk 8 1/2 cm, fell 6 m jamnt fordelt på omgangen. Strikk vidare 3 cm, så auker du 6 masker jamnt fordelt på omgangen, strikk vidare ca 1 1/2 cm. Fell tre masker i kvar side, det er no 14 masker igjen både på framstykket og bakstykket. Strikk nokre omgangar med rettstrikk, men rillestrikk på dei to ytterste maskene, gå så over til eit par omgangar med rillestrikk. På det eine stykket har eg laga selar over dei fire ytterste maskene på kvar side. Knapp og hempe gjer det enkelt å få kjolen av og på.
Lue: Legg opp 28 m, strikk rettstrikk 3 cm. Fell fire masker (jamt fordelt) på neste omgang. Strikk 4 omgangar mellom kvar gang du feller 4 masker, til der er 4 masker igjen. Lag ein liten dusk i enden.
Til kjolen og lua har eg brukt restar av sokkegarnet Fabel. Strikkepinnar nr 2 1/2.

Genser til Barbie

2009-02-11T17:35:00.007+01:00

Barbie har som kjent snart bursdag - ho fyller 50 år 9.mars i år. Då er det på sin plass med litt nye klede, ikkje sant?

Her følgjer oppskrift på ribbestrikka genser. Eg har brukt ganske tynt garn og pinnar nr 2 1/2. Genseren kan strikkast som rette stykke, på to pinnar, som ein syr saman til slutt, eller den kan strikkast rundt på strømpepinnar. Eg forklarer framgangsmåten for begge variantane her.
På to pinnar: Her la eg opp 22 masker, og strikka 2r, 2 vr rett opp til stykket målte 10 cm. Så felte eg 3 masker i kvar side til skulder. Resten av maskene skal strikkast vidare til hals, 5 cm.
Strikk eit stykke til på same måte.
Sy saman skuldrane og halsen, så bretter du ut stykket og måler opp 3,5 cm frå kvar skulder. Her skal du plukka opp 24 masker til erm. Strikk 2 r, 2 vr, ca 8 cm. Gjer det same på andre sida. Sy saman i sidene og under ermane, fest alle trådar. Genseren er klar til bruk!
På strømpepinnar: Her la eg opp 48 masker. Strikka 2 r, 2 vr ca 7 cm. Her delte eg arbeidet i to. Eg felte ei vrangmaske i kvar side, slik at det vart 22 masker på kvart stykke (med to rettmasker i kvar side). Desse to stykka må strikkast vidare kvar for seg, 3,5 cm.Fell 3 masker på kvar side til skulder. No skal det vera 16 masker igjen på kvar side, i alt 32 masker. Strikk vidare rundt til hals, 5 cm. Fell av. Sy saman skuldrane. Plukk opp 24 masker rundt ermholet, strikk erm (2r, 2 vr), ca 8 cm. Fest trådar.
Største problemet kan vera å få genseren på Barbie, for ho spriker litt med fingrane. Det kan vera lurt å ta litt tøy rundt hendene hennar, så går genseren lett på.

Eg har også laga lue til Barbie. Lua kan også brukast som eggevarmar, eller som øyrevarmar til pus.
Legg opp 32 masker. Strikk 2 r, 2 vr, 6 cm. På neste omgang strikka eg slik: 2 masker rett, så strikka eg dei to vrangmaskene saman. Så to omgangar med 2 rett, 1 vr (slik at rette og vrange masker kjem opp på rette og vrange masker som er der frå før). På neste omgang: Strikk saman rettmasker, slik at det vert 1 r, 1 vr heile omgangen. Kutt tråden, dra tråden gjennom alle maskene. Fest tråden godt. Dersom du vil, kan du laga ein liten dusk til toppen.

Skjerf: Her har eg lagt opp 11 masker, så strikka eg 1 r, 1 vr. Eg strikka skjerfet 36 cm langt.
Strømpar: Her har eg lagt opp 14 masker. Eg har strikka rundt på strømpepinnar, 1 r, 1 vr. Eg strikka til strømpane vart ca 10 centimeter lange. Fell av, sy saman i tåa.

Kurt Wallander

2009-01-31T17:34:00.003+01:00

er helten i mange av bøkene til Henning Mankell. Det er ti bøker i serien:
- Morder uten ansikt
- Hundene i Riga
- Den hvite løvinnen
- Silkeridderen
- Villspor
- Den femte kvinnen
- Ett skritt etter
- Brannvegg
- Pyramiden
- Før frosten

Full vinter

2009-01-25T14:17:00.004+01:00

slik ser det ut på altanen...

av og til lokker utelivet, men stort sett er det best på sofaen - eller i korga - eller på kontorstolen - eller under trappa - eller litt oppe i høgda...

og matmor koser seg med strikketøy og bøker

Nytt i heimen

2009-01-09T17:46:00.004+01:00

For eit par dagar sidan var eg innom ein brukthandel, og der fann eg ein fin kakeboks. Ikkje det at eg gjer det stort i kakebaking, akkurat, men boksen er fin, og den kan nok få gjera nytte for seg som gøymestad for eit eller anna... På undersida av boksen står det til og med ei kakeoppskrift - kanskje får eg lyst til å testa den ein gong i framtida?

Nytt år - nye sjansar!

2009-01-01T18:27:00.003+01:00

No har det vore nokre stille dagar - med god tid til kos og lesing. Omsider fekk eg kloa i Charlotte Isabel Hansen av Tore Renberg, tredje boka om Jarle Klepp. Eg hadde gleda meg til å lesa denne, og eg vart ikkje skuffa - her er det sterke kjensler og mykje som skjer, boka handler om det som skjer i livet til Jarle Klepp i løpet av ei veke i 1997. Det einaste eg hadde problem med å fordøya, var at Fløibanen sveva i lufta - eg synest Fløibanen er praktfull sjølv om den har full bakkekontakt heile vegen. Sjølvsagt er eg ikkje den einaste som har reagert på dette,
slikt går ikkje upåakta hen i Bergen
Inga stor sak eigentleg, men eg kan ikkje sjå at det boka vert betre av at denne detaljen ikkje stemmer. Men alt i alt ei svært fin bok. Den kan godt lesast uavhengig av dei to førre bøkene om Jarle Klepp, Mannen som elsket Yngve og Kompani Orheim, men dette er også sterke bøker.

Eg får vel prøva å henga med på det som kjem av ny skjønnlitteratur framover...

Tysk julestemning

2008-12-22T21:36:00.000+01:00

Neon er vakkert!

2008-12-20T10:49:00.001+01:00

Det kan fort gå litt i surr...

2008-12-19T23:19:00.000+01:00

Kakelinna

2008-12-18T23:10:00.002+01:00

er det tradisjonelle namnet på mildversperioden som ofte oppstår før jul. Ifølgje folketrua skulle mildveret koma av all kakebakinga rundt omkring. Det vil eg berre ha sagt: det er ikkje eg som står bak kakelinna i år, nei...

Snart "snur" sola!

2008-12-17T23:24:00.002+01:00

På søndag (22.12.) kl 02.14 skjer det - så går det mot lysare tider!

Julesong i skogen

2008-12-16T21:08:00.001+01:00

NRK har naturkavalkade i kveld, så eg har i grunnen ikkje tid til dette... Men vi får ta ein liten tur ut i naturen her og...

Keeping up appearances

2008-12-15T22:22:00.001+01:00

I dag

2008-12-14T23:37:00.002+01:00

har Barbie fått seg ny jakke. Ho treng eigentleg noko til å ha under jakka også. Det er slutt på at det var moderne å visa fram navlen - trur eg.

Grisen Knud

2008-12-13T19:41:00.005+01:00

er riktig søt, synest eg. Oppskrifta har eg funne på ein dansk blogg, bloggen til Liselotte - ein kjempefin blogg med mange gode idear og oppskrifter. Oppskrifta finn du her. Eg har nok brukt eit anna garn enn Liselotte, for ho seier Knud står stødig på sine små bein. Det gjorde ikkje min Knud, så eg hadde tenkt å bruka piperensarar - men kvar er piperensarane når ein treng dei? Sugerør, derimot, hadde eg i hus, så min Knud står stødig på sugerør-bein.

Så, der klarte eg å laga lenker som fungerer i dag og!

Bakedag

2008-12-12T23:28:00.004+01:00

No er det på tide å baka lussekattar:

2 g safran
1/2 l mjølk
50 g gjær
200 g smør
1 piska egg
1/2 ts salt
3 dl sukker
2 l kveitemjøl

Egg til pensling, evt rosiner til pynt

Rør gjæren ut i litt lunka mjølk. Bland egg, resten av mjølka og det smelta smøret, hell det over gjæren (pass temperaturen). Ha i salt, sukker og safran, arbeid inn mjølet litt etter litt. Kna deigen blank og smidig, la den heva til den er dobbelt så stor.

Form deigen til lussekattar, pensla med egg, pynt evt med rosiner. Steik ved 225-250 grader, 10-15 minutt.

Sesong for påfyll av c-vitamin

2008-12-11T22:31:00.002+01:00

Slik oppfører aldri appelsinane eller klementinane seg her i huset... Men godt smaker dei...

Gjensyn

2008-12-10T15:36:00.002+01:00

med gamle vener i the julekalender. Vi har alle vårt å stri med før jul. Eg har stor sympati med Gjertrud...

Kaldt ute

2008-12-09T18:32:00.001+01:00

- då er det fint å sitja inne. Gjerne med ei god bok. Nissen liker å lesa om kattar, men katten bryr seg katten!

Små strikkeprosjekt

2008-12-08T09:46:00.005+01:00

Garnstudio har ein fin julekalender med oppskrifter på saker og ting ein enno kan rekka å få ferdig til jul: http://www.garnstudio.com/julekalender.php?lang=no

På ei svensk nettside finst hundrevis av oppskrifter til Barbie: http://www.stickatillbarbie.se/

No fekk eg til og med til å legga inn lenker att. Det klarte eg ved å sjå på kodinga til eit gammalt innlegg, så fiksa eg litt på kodinga i dette innlegget. Det må då kunna gjerast på enklare vis? I starten gjekk då dette automatisk, så kvifor har ein eller annan nerd endra på det slik at eg ikkje får det til? Eller har eg lagt inn altfor mange sperrer på datamaskinen min, tru???

Peparnøtter

2008-12-07T22:02:00.002+01:00

Seigmjuke peparnøtter

150 g romtemperert smør
4 dl sukker
2 dl sirup
2 dl varmt vatn
1 ms kanel
1/2 ms ingefær
1 ms kardemomme
1 ms natron
ca 15 dl kveitemjøl

Rør smør og sukker til ein smidig masse. Rør inn sirup og tilset vatnet. Bland krydder, natron og mjøl oppi blandinga. La deigen (innpakka i plastfolie) kvila ei stund i kjøleskapet. Trill små kuler (deigen held til ca 80 stk), legg dei på bakepapir. Steik dei ved 225 grader midt i omnen, 7-10 minutt.

Julereint

2008-12-06T16:58:00.003+01:00

I dag fekk eg besøk av ei venninne som viste meg mikrofiberklutar og andre produkt til miljøvennleg reingjering. Badet vart mykje trivelegare i same slengen - både for gakk-gakken og oss andre. Litt innkjøp vart det også - sjølv om eg har ein mistanke om at ikkje jobben gjer seg sjølv med nye produkt heller...

Meir nostalgi

2008-12-05T10:13:00.001+01:00

Litt mimring

2008-12-04T21:57:00.001+01:00

I 1995 (trur eg det var) gjekk julefergå fast på TV2 i adventstida. Slik var introen...

Korintkaker

2008-12-03T21:46:00.003+01:00

Det vert nok ikkje sju kakeslag til jul, men eit par kakeboksar skal eg vel få fylt opp. I dag vart det

KORINTKAKER (ca 60-70 stk)

200 g smør
200 g sukker
1 egg (romtemperert)
50 g korintar
1 ts bakepulver
2 ts kanel
300 g kveitemjøl

Rør smør og sukker kvitt. Tilset egg, korintar, mjøl, bakepulver og kanel. Deigen er ganske laus. Rull små kuler, legg dei på steikebrettet, klem dei litt flate med ein gaffel. Steik ved 175 grader i 8-10 minutt.

Amaryllis

2008-12-02T21:01:00.002+01:00

høyrer med til jula. No vert det spanande å sjå om dei vert like flotte som i reklamen...

Trange tider

2008-12-01T11:20:00.003+01:00

Akkurat det der med å setja småfuglane i "takknemlighetsgjeld" - det er verd å tenka over altså... Eller for å sei det på ein annan måte: begynner ein først å mata småfuglane, så må ein også halda fram med det til våren kjem og dei kan klara seg sjølve...

Ta ikkje alt for god fisk

2008-11-23T21:45:00.005+01:00

når du les kriminallitteratur. I denne boka, Terbovens liste av Eirik Wekre får vi mellom anna ei lita utlegning om Harvard Business School (s 314). Her vert det hevda at George W. Bush gjekk på Harvard - det gjorde han ikkje - han gjekk på Yale. Obama, Al Gore og JFK har derimot gått på Harvard. Ikkje at det har noko å sei, altså, men rett skal vera rett!

Elles har eg vel ikkje noko å utsetja på boka. Dette er krim - og her går det unna. Enkelte kritikarar vil ha det til at helten er usympatisk, men ærleg talt: dersom ein skal ordna opp i ei slik sak som dette, så nyttar det ikkje med silkehanskar...

Rydding av sti

2008-11-16T18:59:00.006+01:00

Tre som ligg velta over stien er til plunder og heft på søndagsturen. Heldigvis er det enkelte som ser det som si oppgåve å rydda opp.

Dette var seig materie - men etter omtrent ein time var jobben gjort.

Nytt i heimen

2008-11-12T13:00:00.002+01:00

For eit par dagar sidan var eg innom ein brukthandel. Der fann eg eit brett med reklame for Coca Cola, her i huset gjerne omtalt som "kapitalismens nektar". Brettet var fint, så det fekk vera med meg heim. Og så står det så godt til vottane eg held på med...

Så syr vi litt...

2008-11-07T09:22:00.003+01:00

Mobiltelefonen kan ha god nytte av ein sovepose når den skal ligga i sekk eller veske (eller i ei lomme for den del), blant nøklar og diverse.

Det er visstnok

2008-10-27T10:18:00.005+01:00

den internasjonale Teddybjørndagen i dag. Det må markerast, så klart. I 1902 var Theodore (Teddy) Roosevelt på jakt i Mississippi-området. Ein myte vil ha det til at dei han jakta saman med fanga ein bjørnunge, batt han fast til eit tre, og ba Teddy om å skyta den. Teddy nekta - han ville ikkje vera med på usportsleg jakt. Ein annan versjon er at jaktkameratane tykte det var for ille at gjesten ikkje hadde fått skyta bjørn, så dei fanga - og skada - ein gammal bjørn. Dei batt den skada bjørnen til eit tre og ville ha Roosevelt til å skyta den. Han nekta, og nokon teikna han saman med den skadde bjørnen. På denne teikninga var Roosevelt og bjørnen omtrent like store, men på seinare teikningar krympa bjørnen, han vart ein søt liten bamse. Stakkars gamle bamsen - han var så skada at han måtte avlivast i alle fall.

Morris Micton fekk løyve til å bruka namnet Teddy på leikebjørnar laga av loddent, mjukt tøy. Etter dette har Teddy vore ein nær og kjær venn for mange, mange barn (både små og store) i over hundre år.

Og slik kan du laga ein liten bjørn:

Og så den ultimate picnik-songen:

Søndagstur

2008-10-26T22:48:00.004+01:00

Enno lyser friske fargar mot ein der ute i skogen:

I dag hugsa eg å ta på meg skritteljaren. Den viste 16640 skritt etter turen, det tilsvarer 9,98 km. Jau, den var nullstilt før turen starta, tenk! Men vi vil ikkje risikera kaloritap etter søndagsturen, så då måtte det lagast

EPLEKAKE

150 g sukker
150 g smør
3 egg
150 g kveitemjøl
1 ts bakepulver

4-5 eple (skrelt og delt i båtar) til fyll
Kanel til å strø på toppen

Rør smør og sukker kvitt. Ha egga i, eit om gangen. Bland i mjøl og bakepulver. Ha røra opp i ei springform, legg eplebåtar på toppen, strø kanel over.
Steik ved 180 grader i 40-45 minutt nedst i omnen.

Så, no veit eg kvar eg har oppskrifta neste gong eg vil laga eplekake!

One piece

2008-10-26T22:25:00.002+01:00

er ein japansk mangaserie for barn. Så langt finst desse bøkene på norsk:
1. Eventyret begynner
2. Klovnen Buggy
3. Løgnhalsen
4. Ulv i fåreklær
5. Hvem ringer klokkene for?
6. Løftet
7. Den gamle mannen
8. Pass deg så du ikke dør!
9. Tårer
10. Til kamp!
11. Østens farligste mann
12. Legendens opprinnelse
13. Bare rolig!
14. Instinkter
15. Stø kurs
16. Hans siste ønske
17. Kirsebærblomster
18. Ace
19. Opprør
20. Sluttspill i Alubarna
21. Utopia
22. Håp
23. Vivis eventyr
24. Drømmer
25. Dusør 100 millioner
26. Eventyr på Guds øy
27. Overtyre
28. Berserken Viper
29. Oratorium
30. Rapsodi
31. Her er vi!
32. Øyas stemme
33. Davy Back Fight
34. Water 7
35. Kapteinen
36. Den niende rettferdighet
37. Tom
38. Rocket Man
39. Kamp
40. Gir
41. Krigserklæring

Tur i skogen

2008-10-19T19:38:00.002+02:00

er toppen når sola er framme. Litt vanskeleg lys å fotografera i, men turen skal først og fremst nytast medan ein går. Og så kom vi forbi huset til Tussi...

Bollebakst

2008-10-19T19:35:00.001+02:00

passa bra etter skogsturen.

Ikkje leseglede, akkurat...

2008-10-19T19:14:00.003+02:00

men absolutt lesverdig. De velvillige av Jonathan Littell har fått mykje og god omtale. Med rette, vil eg sei. Boka handlar om 2. verdskrig, sett frå ståstaden til ein tysk soldat. Grusomme hendingar vert skildra i detalj. Det som har gjort sterkast inntrykk på meg så langt (eg er ikkje ferdig med boka enno), er skildringa av kaos, det at individet vert dratt inn i hendingane - og står der temmeleg makteslaus. Han reflekterer rundt det som skjer, men er samstundes ein del av systemet. Som hovudpersonen seier: "Og det sto ikke til å nekte, vi drepte mange mennesker. Det forekom meg å være en ulykke, selv om den var uunngåelig og nødvendig."

Varg Veum

2008-10-15T08:06:00.004+02:00

Varg Veum er hovudperson i mange av bøkene til Gunnar Staalesen. Så langt har det kome 14 romanar om han:
- Bukken til havresekken
- Din, til døden
- Tornerose sov i hundre år
- Kvinnen i kjøleskapet
- I mørket er alle ulver grå
- Svarte får
- Falne engler
- Bitre blomster
- Begravde hunder biter ikke
- Skriften på veggen
- Som i et speil
- Ansikt til ansikt
- Dødens drabanter
- Kalde hjerter

Dessutan eit par bøker med forteljingar der Varg Veum er hovudperson:
- Hekseringen
- De døde har det godt

Gunnar Staalesen

2008-10-15T07:49:00.003+02:00

Gunnar Staalesen er ein svært produktiv forfattar. Han kombinerer krim og historisk kunnskap på ein svært spanande måte. Kriminaliteten er oppdikta - det må vi få lov til å tru i alle fall - men det historiske bakteppet stemmer nok bra, han er nøye med å undersøka historiske fakta. Så her kan ein få inn historie på ein underhaldande måte. Vi som er glade i Bergen og området rundt har dessutan glede av lokalkoloritten...

Bergenstrilogien tek for seg perioden 1900-1999. Eit brotsverk som skjer i 1900 vert først løyst i 1999. Og kven er det som finn ut av det? Varg Veum, så klart!
- 1900 Morgenrød
- 1950 High moon
- 1999 Aftensang

Gunnar Staalesen har også skrive om nokre bøker om Dumbo og Maskefjes:
- Rygg i rand, to i spann
- Mannen som hatet julenisser
- Den femte passajeren

Vikingskatten

2008-10-15T07:46:00.001+02:00

Gunnar Staalesen har også skrive for barn:
- Vikingskattens hemmelighet
- Vikingskattens forbannelse
- Vikingskattens voktere

Ut på tur

2008-10-12T18:08:00.005+02:00

Det kan vera eit lite tiltak å koma seg ut, men du verda så fint det er når ein berre kjem så langt...

Og så møtte vi ein balansekunstnar på vegen. Nei, dette er ein heilt ukjent pus, men han likna veldig på den som ligg heime på sofaen, ja...

Nokre fridagar

2008-10-02T23:13:00.005+02:00

kan brukast til så mangt. Eg har mellom anna nytta høvet til å besøka

Kokke-Barbie,

Kattja

og søte, vesle Salma - og nokre folk som bur saman med dei. Vi har hatt det ordentleg triveleg!

Haustutstillinga

2008-10-02T23:01:00.004+02:00

Mykje interessant på haustutstillinga. Og eit og anna som ikkje var fullt så interessant - men slik vil det vel alltid vera. Installasjonen transformation games av Mona Nordaas var midt i blinken for meg - her fall eg fullstendig i stavar. Godt å sjå at gamle ljåblad kan koma til nytte. Men det vert naturlegvis ikkje enklare å kasta noko etter dette. Det er tydelegvis noko i dette med at alt kan koma til nytte...

Hodejegerne

2008-09-27T12:39:00.003+02:00

Her om dagen nytta eg høvet til å låna med meg Hodejegerne av Jo Nesbø. Dette er ei røvarhistorie frå ende til annan, ikkje spesielt truverdig - og det er heilt greit. Nesbø har eit språkleg overskot som gjer det moro å lesa: "Synsfeltet mitt var nå skrumpet til starten på en James Bond-film hvor de spiller introen - eller i mitt tilfelle; outroen - og alt er svart bortsett fra et lite rundt hull hvor du ser en fyr i smoking som sikter på deg med en pistol."
Til tider rikeleg med gørr og guffe, men først og fremst god underhaldning.

Mma Ramotswe

2008-09-24T10:37:00.003+02:00

Ein skotsk professor i medisinsk juss, Alexander McCall Smith, med sterke band til Afrika, har skrive om Precious Ramotswe. Mma Ramotswe er ei kvinne med stort pågangsmot og tradisjonell figur. Ho startar Damenes detektivbyrå nr 1. Problemfritt er det ikkje, men sakene vert løyst...
- Damenes detektivbyrå nr 1
- Sjiraffens tårer
- Moral for vakre piker
- Skrivemaskinkurs for menn
- Livets godteskap
- Damer med hjerterom
- Blå sko og lykke

Harry Hole

2008-09-24T10:34:00.003+02:00

Harry Hole er helten - eller kanskje det er rettare å sei anti-helten - i desse bøkene av Jo Nesbø:
- Flaggermusmannen
- Kakerlakkene
- Rødstrupe
- Sorgenfri
- Marekors
- Frelseren
- Snømannen

Søte kattar

2008-09-21T19:29:00.000+02:00

Må berre testa om eg framleis klarer å legga til videoar...

Konrad Sejer & Jacob Skarre

2008-09-21T15:30:00.004+02:00

løyser saker for Karin Fossum, og det gjer dei faktisk ganske bra...
- Evas øye
- Se deg ikke tilbake
- Den som frykter ulven
- Djevelen holder lyset
- Elskede Poona
- Svarte sekunder
- Drapet på Harriet Krohn
- Den som elsker noe annet
- Den onde viljen

Katten

2008-09-21T15:22:00.005+02:00

På tide med eit lite dikt:
Katten av Olav .H. hauge

Katten
sit i tunet
når du kjem.
Snakk litt med katten.
Det er han som er varast i garden.

Fredric Drum & Skarphedin Olsen

2008-09-18T12:36:00.011+02:00

Fredric Drum (restauratør, gourmet og kryptolog) og onkelen Skarphedin Olsen (lett kolerisk, men skarp) løyser saker for Gert Nygårdshaug. I alt ti bøker i serien:
- Honningkrukken
- Jegerdukken
- Dødens codex
- Det niende prinsipp
- Cassandras finger
- Kiste nummer fem
- Den balsamerte ulven
- Liljer fra Jerusalem
- Alle orkaners mor
- Rødsonen

Hanne Wilhelmsen

2008-09-18T12:36:00.010+02:00

Hanne Wilhelmsen er gjennomgangsfigur i mange av bøkene til Anne Holt. Nokre av bøkene har Anne Holt skrive saman med Berit Reiss-Andersen
- Blind gudinne
- Salige er de som tørster
- Demonens død
- Mea culpa
- Løvens gap (med B. Reiss-Andersen)
- Død joker
- Uten ekko (med B. Reiss-Andersen)
- Sannheten bortenfor
- 1222

Inger Johanne Vik

2008-09-18T12:36:00.009+02:00

Inger Johanne Vik er ein ny helt som figurerer i nokre av bøkene til Anne Holt. Så langt dreier det seg om to bøker:
- Det som er mitt
- Det som aldri skjer

Harry Potter

2008-09-16T17:57:00.002+02:00

J.K. Rowling har skrive om Harry Potter f. 31. juli 1980.

Bøkene i serien:
- Harry Potter og de vises stein
- Harry Potter og Mysteriekammeret
- Harry Potter og fangen fra Azkaban
- Harry Potter og Ildbegeret
- Harry Potter og Føniksordenen
- Harry Potter og Halvblodsprinsen
- Harry Potter og Dødstalismanene

Artemis Fowl

2008-09-16T17:30:00.003+02:00

Seien om Artemis Fowl er skriven av Eoin Colfer, ein irsk barnebokforfattar. Har også skrive om Potet-Isaksen - og der kan det visstnok vera ein del nyttige tips for bibliotekarar...

Bøkene i serien om Artemis Fowl:
- Artemis Fowl
- Artemis Fowl Operasjon Arktis
- Artemis Fowl Evighetskoden
- Artemis Fowl Arkivet
- Artemis Fowl Opal-bedraget
- Artemis Fowl og den tapte kolonien

Observert av Plinius

2008-09-16T17:19:00.002+02:00

for ein månads tid sidan (reaksjonen kjem ikkje alltid så kjapt her på bloggen...) Det er visstnok berre tre av oss som gjekk på kurs som har halde fram med bloggane vi oppretta. Ein del av kursdeltakarane hadde bloggar frå før - dei har vel truleg halde fram med dei gamle bloggane.
Eg bruker denne bloggen som digital leikegrind - eg prøver meg fram. Det er vel relativt få "utanforståande" som ser bloggen, men den fungerer til ein viss grad som fotoalbum for meg sjølv. Så langt har det ikkje vore mykje bibliotekstoff her, men eg har planar om å legga ut oversikt over "litterære heltar" som eg av og til får spørsmål om. Så då vert bloggen også litt "privat oppslagsverk".

Til orientering

2008-09-11T22:26:00.003+02:00

Eg har allereie avslørt at det er så som så med orienteringsevna. Likevel klarer eg å finna fram til jobben. Grunnen er enkel: god merking frå buss-stoppet.

Gå aldri utan kart...

2008-08-24T18:00:00.005+02:00

Med desse skorne er eg sikra... Akkurat som eg treng kart for å gå meg bort - det klarer eg fint utan hjelpemiddel. Som på turen i dag: brått og utan varsel får eg spørsmål om vi hadde gått her før, og om kor denne stien førte. Det kunne vel ikkje eg vita, vel? Eg følgde berre stien, eg... Men vakker utsikt var det, mot Holsfjorden.

Kursen vart korrigert slik at vi kom oss heim att utan altfor mange strabasar, men vi fekk no helst på nokre sauer på vegen. Og turkameraten vart kjent med ein ny sti. For meg er ny og gammal sti like gode - kvar gang...

Smelta bort?

2008-08-24T17:52:00.005+02:00

Sola varma godt i går - endå vi er langt ute i august. Nok til at Sofus føretrekker å halda seg i skuggen.

Typisk vestlending!

2008-08-19T19:33:00.008+02:00

"egen, sta og gjenstridig" var nokre av karakteristikkane som flagra gjennom lufta. Bakgrunn: store tekniske problem. Motoren starta, men stoppa att temmeleg kjapt. Hypotese: rusk i forgassaren.

Alle som kom innom vart spurde til råds. Brage, 2 år, har forstått problemet: "vil ikke bråke..."
Pappaen til Brage kom med ein ny hypotese: "falsk luft". Den viste seg å ha noko for seg. Etter timar med mekking og pussing starta motoren på første slag. JIPPI!!!

Dagens gode gjerning...

2008-08-18T22:56:00.005+02:00

Ikkje i dag, nei. (Har eg gjort noko som kan kvalifisera til ein slik tittel i dag? Nei, eg trur ikkje det, i dag har eg vel berre gjort jobben min, sånn heilt ordinært. På den andre sida: eg trur ikkje nokon har lidd overlast heller.) Men dette er frå i sommar. Ein dag eg var ute i 18-graders-vatnet (så fekk eg sagt det og), såg eg ein augestikkar som var i ferd med å drukna. Den ulykka fekk eg forhindra ved å ta augestikkaren opp med badetermometeret. Han vart sitjande leeeenge leeeenge på termometeret, så flaug han sin veg, glad og lykkeleg får vi tru...

Fylo

2008-08-13T22:06:00.004+02:00

På andre sida av fjorden ligg Fylo, eller Fylingslid, som staden offisielt heiter. Namnet skal koma av "fela", som tyder å skjula. Bruka Fylo og Fylehaugen ligg høgt over fjorden, og er nesten usynlege frå fjorden. Vegen opp er bratt og går i trappetrinn. Det budde folk på Fylo fram til slutten av krigen, men bakkane vart slått mange år etter dette. Framleis kan ein såvidt sjå bakkane på Fylo, men dei vert mindre og mindre synlege no. Til venstre i biletet, omtrent der det har gått ras i fjellsida, var det tidlegare ei laksegilje. Skyformasjonen bak fjellet ser dramatisk ut, men det er nok berre vassdamp.

Laksegilja på Røyrtangen

2008-08-13T21:38:00.004+02:00

Laksegiljer (utt: -jilje) er spesielle byggverk som har vore brukt langs Bolstadfjorden, Osterfjorden og Veafjorden. Dei vart brukt til å fanga laks med sitjenot. Fiskarane sat oppe i gilja, når dei såg laksen kom inn i nota, kunne dei utløysa tauverk og steinar slik at dei fekk stengt laksen inne. Så var det ned stigane og ut med båt for å få laksen opp. Røyrtangen ved Stamnes var ein særs god fiskeplass. Rekorden skal vera på 69 laksar på ein dag. Diverre veit eg ikkje kva år dette var, men det er nok forlengst historie. No er det knapt ein villaks att i desse fjordane...

Klåravasskjelda

2008-08-13T21:22:00.005+02:00

Drikkevatn hentar vi i ei kjelde som ligg under flomålet, sjøen flør altså opp i kjelda. Det må altså litt planlegging til, vatnet må hentast når det er fjøre sjø. Etter ruskever må ein ofte ommøblera litt på steinane slik at det skal vera enkelt å ausa opp vatn. Men betre vatn finst ikkje - kaldt, friskt og fullstendig utan saltsmak.

Askaneset

2008-08-13T21:07:00.008+02:00

Alltid vakker utsikt, anten det er morgon, på dagtid, kveld eller natt. Og i alle slags ver...

Skakkhammaren

2008-08-13T21:00:00.005+02:00

Bak dette huset ligg Skakkhammaren. Lenge trudde eg det heitte Skattkammaren - inspirert av bokverket Mitt skattkammer. Eit bokverk som nok har vore med på å få meg hekta på bøker...

Kalosjediket

2008-08-13T20:47:00.004+02:00

Namnet er ikkje tilfeldig. Greit å passera når det er tørt - ikkje fullt så greit når det har regna tett eit par dagar...

Villbringebær skal temmast

2008-07-23T22:20:00.003+02:00

Rips og solbær skal i boks

2008-07-23T22:16:00.004+02:00

Sofus rugar på komposten

2008-07-23T22:14:00.004+02:00

Siesta

2008-07-23T22:11:00.003+02:00

Kort sagt: det er eit slit...

Myrflangre

2008-07-15T11:32:00.003+02:00

No blømer myrflangra på Haugerudmyra. Myrflangra er ein flott - og sjeldan - orkide. Nyt den der den står. Pass på kor du set føtene!

Veafjordtreffet 2008

2008-07-11T23:03:00.005+02:00

126 frammøtte, vakkert ver og god stemning!

Dagens høgdepunkt

2008-07-11T22:52:00.005+02:00

var då Gunnar fortalde ei historie som vart sendt på radio for mange år sidan med skodespelaren Sverre Eriksen. Historia var om ein stril som kom til Den nationale scene i Bergen, og fekk lyst til å sjå kva som føregjekk i det gilde huset...

Ola og Trygve

2008-07-11T22:46:00.004+02:00

stod for musikken

Kveld på brygga

2008-07-11T22:32:00.005+02:00

God stemning - med grilling, prat, musikk og dans i praktfullt sommarver

Revebjøller

2008-07-11T22:03:00.004+02:00

Løa i Holo

2008-07-11T22:00:00.002+02:00

Kvernsteinane i Holo

2008-07-11T21:54:00.002+02:00

Ny sprakekledning

2008-07-11T21:42:00.003+02:00

på løa på Bukkstein. 6000 sprakebusker har gått med, og uhorveleg mange arbeidstimar, men resultatet er flott - og i tråd med lokal byggeskikk.

Standsmessig slåmaskin

2008-07-11T21:27:00.005+02:00

På Bukkstein kom vi over denne praktfulle slåmaskinen. Ferrari starta visstnok med landbruksmaskinar, og ifølgje eigaren fungerer den framifrå. Bombardieren vår får ikkje heilt den same attesten, i alle fall ikkje kvar dag... Men han skramler og går innimellom.

Agria/Bombardier-Rotax 5400

2008-07-11T21:08:00.006+02:00

Veafjorden

2008-07-11T21:05:00.002+02:00

Frå Dalseid til Stamnes

2008-07-11T20:56:00.002+02:00

er vegen smal og svingete, og det er ein del tunnellar ein skal gjennom. Vegen vart bygd mellom 1920 og 1939, så dette er fint handarbeid.

Nokre døme på nære ting...

2008-06-03T23:14:00.005+02:00

Håp om markjordbær...

2008-05-25T23:22:00.003+02:00

Dagens funn - vårmarihand?

2008-05-25T23:20:00.003+02:00

Kulturlandskap

2008-05-25T23:18:00.003+02:00

Jonsokkoll i hagen

2008-05-25T23:15:00.002+02:00

Som kjent har alle hekser svart katt...

2008-05-25T23:12:00.003+02:00

Vårstemning

2008-05-18T18:29:00.003+02:00

I går var det riktig surt og kaldt, med snø i lufta. Det ser likevel ut til at plantane har klart seg godt i skogen. Rett nok var nokre av kvitsymrene blåfrosne, stakkars, men alt i alt er det grønt og vakkert over alt no.

Stemningsfullt i skogen

2008-05-18T18:26:00.001+02:00

Gaukesyre

2008-05-18T18:24:00.001+02:00

Kven bur her?

2008-05-18T18:22:00.001+02:00

Blåfrosne kvitsymrer

2008-05-18T18:20:00.002+02:00

Bekkeblom/soleihov

2008-05-18T18:18:00.002+02:00

Løvetann

2008-05-18T18:16:00.003+02:00